Jim Pollard

Jim Pollard

Biografía
Nacemento	9 de xullo de 1922 Oakland, Estados Unidos de América
Morte	22 de xaneiro de 1993 (70 anos) Stockton, Estados Unidos de América
Educación	Universidade Stanford Oakland Technical High School (pt)
Altura	193 cm
Peso	84 kg
Actividade
Ocupación	baloncestista, adestrador de baloncesto
Período de actividade	1947 - 1955
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala-pivote
Convocado por	Chicago Stags (pt) , 62º (1 de xullo de 1947)
Traxectoria   Equipo – Los Angeles Lakers 1941–1942 Stanford Cardinal men's basketball

James Clifford "Jim" Pollard, nado o 9 de xullo de 1922 en Oakland (California) e finado o 22 de xaneiro de 1993 en Stockton (tamén California), foi un xogador e adestrador de baloncesto estadounidense que disputou sete tempadas da NBA como xogador e outro cinco como adestrador, repartidas entre a NBA e a ABA. Con tan só 1,93 metros de altura, xogaba na posición de ala-pivote, sendo capaz de realizar mates dende a liña de tiros libres, gañándose o alcume de "The Kangaroo Kid" (o mozo canguro).

Traxectoria deportiva

Universidade

Xogou na súa mocidade na Univesidad de Stanford, onde foi unha peza clave para a consecución do Campionato da NCAA en 1942, onde tivo unha media de 21,5 puntos por partido ao longo do torneo, a pesar de perderse a final por lesión. A súa carreira universitaria foi truncada pola segunda guerra mundial, pero ao seu regreso foi nomeado en dúas ocasións All-American.

Profesional

Foi elixido na sexta rolda do Draft da NBA de 1947 por Chicago Stags, pero a pesar diso asinou contrato con Minneapolis Lakers, onde transcorreu toda a súa etapa de xogador profesional. Alí formou, xunto a George Mikan e Vern Mikkelsen un dos mellores tríos de homes altos da historia da NBA. En 1952 foi nomeado polos xogadores que até a data xogaran na liga profesional como o mellor xogador da época.

Foi elixido en dúas ocasións no mellor quinteto da liga, e noutras dúas no segundo mellor. Disputou tamén en catro ocasións o NBA All-Star Game. Nos seus 7 anos como profesional tivo unha media de 13,2 puntos e 7,8 rebotes por partido. Gañou cinco aneis de campión da NBA.

Equipos

• Minneapolis Lakers (1948-1955)

Adestrador

Ao acabar a súa carreira de xogador, fíxose cargo do equipo da Universidade de La Salle, onde permaneceu durante tres tempadas, cun balance de 48 vitorias e 28 derrotas. En 1960 fichou como adestrador do seu equipo de toda a súa vida, os Minneapolis Lakers, onde permaneceu un ano, para ir ao ano seguinte a Chicago Packers. En 1967 foi a parar á ABA, onde se fixo cargo dos Minnesota Muskies, pasando posteriormente polos Miami Floridians.

Equipos

• Universidade de La Salle (NCAA, 1955-1958)
• Minneapolis Lakers (1959-1960)
• Chicago Packers (1960-1961)
• Minnesota Muskies (1967-1968)
• Miami Floridians (1969-1970)

Falecemento

Faleceu en 1993, por causas naturais, á idade de 70 anos.

Véxase tamén

Ligazóns externas

• BasketballReference.com: Jim Pollard (como xogador) Arquivado 08 de novembro de 2012 en Wayback Machine.
• BasketballReference.com: Jim Pollard (como adestrador) Arquivado 12 de abril de 2010 en Wayback Machine.
• Basketball Hall of Fame: Jim Pollard